Blua birdo

tradukis Valentin Melnikov

Ni paŝadis al foraj foroj,
ne venkeblaj sen fortostreĉ',
en embuskoj dum longaj horoj
malatentis pri pluv' kaj neĝ'.
        Ni ne brulas en flam' terura,
        kaj ne ploras eĉ sub tajfun'.
        Ni – ĉasantoj de l' bird' lazura –
        firme kredas je la fortun'.

Onidire dum lastaj jaroj
de ĉi birdo vanuis spur',
kaj jam mankas lazur-birdaroj
en analoj de la natur'.
        Blua birdo fuĝis transmare,
        malaperis post horizont', –
        sed asertas ni senerare:
        tio estas mensog' sen hont'!

De la birdoj ne sinkis kvanto,
sed laŭ nuna pragmata mor'
troabundas la dezirantoj
persekuti ĝin kun fervor'.
        Kaj la birdo jam sin defendas,
        ja valoras por ĝi liber',
        do nun vane oni pretendas
        ĝin renkonti ie sur ter'.

Ĝi ne fidas al homaj manoj –
ne mirindas la timo, ĉar
en arbustoj kaj inter kanoj,
ĉie gvatas malicular'.
        Ŝtele rampas vi – sed jen moke
        ĝi eskapas en pompa bril',
        kaj nur ĉiele vin logos voke
        blua svingo de la flugil'.

Синяя птица

Мы в такие шагали дали,
что не очень-то и дойдёшь,
мы в засаде годами ждали,
невзирая на снег и дождь.
        Мы в воде ледяной не плачем,
        и в огне почти не горим.
        Мы – охотники за удачей,
        птицей цвета ультрамарин.

Говорят, что за эти годы
синей птицы пропал и след,
что в анналах родной природы
этой твари в помине нет.
        Говорят, что в дальние страны
        подалась она навсегда, –
        и только мы заявляем прямо:
        это полная ерунда!

Синей птицы не стало меньше,
просто в свете последних дней
слишком много мужчин и женщин
стало сдуру гонять за ней.
        И пришлось ей стать осторожней,
        чтоб свободу свою спасти,
        и вот теперь почти невозможно
        повстречать её на пути.

Стала пуганой птица удачи
и не верит людским рукам.
Да и как же ей быть иначе? –
браконьеры и тут, и там.
        Подкрадёшься – она обманет,
        и вот уже навсегда ушла,
        и только небо тебя поманит
        синим взмахом её крыла.